Нууцлалын бодлого

Koda Chatbot (цаашид “бид”) нь бизнесүүдэд (цаашид “харилцагч бизнес”) өөрсдийн хэрэглэгчидтэй Messenger, Instagram, WhatsApp, Telegram, Viber болон вэб чатаар харилцахад туслах AI үйлчилгээ үзүүлдэг. Энэхүү бодлого нь бид ямар мэдээлэл цуглуулж, хэрхэн ашиглаж, хамгаалдгийг тайлбарлана.

1. Цуглуулах мэдээлэл

• Харилцагч бизнесийн бүртгэлийн мэдээлэл: нэр, имэйл, утас, бизнесийн мэдээлэл, бараа бүтээгдэхүүн.
• Холбосон сувгийн мэдээлэл: Facebook хуудас, Instagram бүртгэлийн ID, хандах токен (шифрлэгдсэн).
• Хэрэглэгчийн мессеж: бизнест илгээсэн мессеж, зураг, товч дарсан үйлдэл, сувгаас өгсөн нэр, профайл зураг.
• Хэрэглэгчийн өөрөө өгсөн мэдээлэл: захиалга, цаг захиалгад өгсөн нэр, утас, хаяг.
• Төлбөрийн мэдээлэл: QPay нэхэмжлэхийн дугаар, төлбөрийн төлөв. Бид картын мэдээлэл хадгалдаггүй.

2. Ашиглах зорилго

• Хэрэглэгчийн асуултад тухайн бизнесийн нэрийн өмнөөс хариулах, бараа харуулах, захиалга, цаг захиалга бүртгэх.
• Бизнест чат, захиалга, тайланг харуулах, шаардлагатай үед ажилтанд шилжүүлэх.
• Үйлчилгээний төлбөр тооцоо, аюулгүй байдал, алдаа засварлах.

Бид мессежийг сурталчилгаа, AI загвар сургах болон бусад зорилгоор худалдахгүй, ашиглахгүй.

3. Гуравдагч этгээд

• Anthropic (Claude) — хариулт боловсруулах AI үйлчилгээ. Мессежийг зөвхөн хариулт үүсгэхэд дамжуулна.
• Meta (Facebook, Instagram, WhatsApp), Telegram, Viber — мессеж хүлээн авах, илгээх.
• QPay — төлбөр хүлээн авах.
• Хостинг, хадгалалтын үйлчилгээ үзүүлэгч — өгөгдөл хадгалах.

4. Хадгалах хугацаа

Чатын түүхийг харилцагч бизнесийн бүртгэл идэвхтэй байх хугацаанд, дээд тал нь 24 сар хадгална. Бизнес бүртгэлээ устгавал холбогдох өгөгдлийг 30 хоногийн дотор устгана.

5. Хамгаалалт

Хандах токен, төлбөрийн тохиргоог AES-256 шифрлэлтээр хадгална. Бизнес бүрийн өгөгдөл тусгаарлагдсан, зөвхөн эрх бүхий ажилтан харна. Холболт бүр HTTPS-ээр явна.

6. Таны эрх

Та өөрийн мэдээллийг харах, засуулах, устгуулахыг хүсэж болно. Дэлгэрэнгүйг Өгөгдөл устгах хуудаснаас үзнэ үү.

7. Холбоо барих

contact@koda.mn · +976 9918 2561 · Улаанбаатар